Nola elaboratzen ditugu gure platerak?

Aukeraketa eta kontrola

Gure adituek merkatuko lehengairik onenak hautatzen dituzte, eta gure hornitzaileei eta haien produktuei kalitate-kontrol zorrotzak egiten dizkiegu.

Elaborazio segurua

Produkzio-areto independenteak ditugu kalitatea eta segurtasuna bermatzeko.

Kutsadura gurutzatuak saihesteko lagungarriak diren honako areto hauek ditugu:

Barazkiak manipulatzeko aretoa, bertan erabiliko diren elementu guztiak berdeak dira.
Haragiak manipulatzeko aretoa, bertan erabiltzen diren elementu guztiak gorriak dira.
Arraina manipulatzeko aretoa, bertan erabiltzen diren elementu guztiak urdinak dira.
Sukalde beroa, bertan erabiltzen diren elementu guztiak beltzak dira.
Sukalde hotza, bertan erabiltzen diren elementu guztiak zuriak dira.
Eta zeliakoentzako sukalde espezifikoa, bertan erabiltzen diren elementu guztiak horiak dira, Arriskuen eta Kontrol Kritikoko Puntuen Analisiak ezartzen duen bezalaxe.

Ontziak desinfektatzea

Gure deskontaminazio-aretoetan, ur kloratu bidez desinfektatzen ditugu lehengaiak iristen diren ontzi guztiak. Deskontaminazioa garrantzi handikoa da kutsadura gurutzatua saihets dadin eta produktua segurua izan dadin eta jatorrizko propietate guztiei eutsi diezaien.

Errezeta %100 naturalak

Gure sukaldari adituek askotariko errezeta bikainak eta osasungarriak elaboratzen dituzte. Platerak modu tradizionalean kozinatzen ditugu, baina egoste-denborak murrizten ditugu, elikagaiek nutrienteak, zaporea, kolorea eta testura ahalik eta hobekien gorde ditzaten.

Horrela, oliba-olioa soilik erabilita elaboratutako plater %100 naturala lortzen dugu.

Zeliakoentzako produktuak

Sukalde independentea dugu zeliakoentzat egokiak diren errezetak elaboratzeko.

Hutsean ontziratua

Platera elaboratu ostean, atmosfera babesle bidez termozigilatutako ontzixka batean ontziratzen dugu produktua: hutsean termozigilatua %99an; gainerako %1a CO₂+N.

Horrela, ikuspuntu higieniko-sanitariotik produktu seguru bat lortzen dugu, % 99ko ehuneko handiarekin. Zaporeari, koloreari, testurari eta balio nutrizionalari dagokionez kalitate goreneko produktua lortzen dugu.

Funtsezko tratamendu termikoa

Gero, produktuari tratamendu termikoa aplikatuko diogu, tratamendu hori funtsezkoa baita produktuaren bizitza luzatzeko eta propietate guztiei eusteko.
Tratamendu termikoak 3 fase ditu: pasteurizazioa, eraispena eta birsorkuntza.

Lehen biak guk geuk egiten ditugu, produktua atmosfera babesle bidez ontziratu ostean.

Hirugarrena, birsorkuntza, bezeroak berak egiten du, kontsumitu aurretik ontzia mikrouhin-labean 3 minutuz sartzearekin.

Plater elaboratua V. gamakotzat joko bada, gehienez 120 minutu pasako dira ontziratzearen, pasteurizazioaren eta eraispenaren prozesuan. Bost Gourmeten 120 minutu baino gutxiago erabiltzen dugu prozesu hori egiteko, produktuak propietate nutrizional, organoleptiko eta higieniko-sanitario guztiak kontserba ditzan.

Produktua hoztea

Produktua gure sukaldetik gure bezeroen instalazioetara eramaten dugun bitartean, 0 eta 4°C artean kontserbatzen dugu produktua, eta une oro eusten diogu hotz-kateari. Horretarako, hotzeko garraio espezializatua dugu.

Berotu eta prest

Platera birsortzeko modu erosoa, erraza eta azkarra eskaintzen dugu. Nahikoa da minutu batzuk sartzea mikrouhin-labean, zartaginean edo labean.

Eguneko edozein ordutan, mikrouhin-labe batekin eta sukaldaririk gabe, kalitate handiko plateraz gozatuko dugu, egin berria balitz bezala.